بيتزا دومنيوز عذاب نفسي ..وإرهاق ميزانيه..سر الخلطه..

السلام عليكم ورحمة الله وبركاته..
اخباركم بنات ان شاء الله بخير...بختصر المقدمات..

أنا من عشاق دومينوز بيتزا بشكل جنوني بشكل هستيري ...من يلومن يانااااس
المهم من كثر ما أطلب زوجي نتعشى من عندهم طق مني الرجال من يلومه
المهم انا فريت في العم قوقل ادور سر الخلطه حقتهم ولقيت هالخلطه بجربهاالليله إن شاء الله..
ويارب تضبط معاي
ولايطيح وجهي عند زوجي
وأقولكم النتائج إن شاء الله الليله
انا طريقتي بالبيتزا مره حلوه بس مومثل دومنيوز لأن السر في الخلطه
وحده فاااااضيه هههههههه
وعد إنتظروني الليله
بس اللي ابيه منك تجاربكم مع صلصة البيتزا مين تعرف تضبط صلصة دومينوز الخطيره
لاتحرموني من تجاربكم وتفاعلكم ودمتم بخير

الخلطه
الخلطه الخاصه بدومينوز بيتزا (dominos pizza)

صلصه البيزا الخاصه بدومينوز بيتزا (dominos pizza)
المقادير:
6 حبات من الطماط الحمراء -
4 ملاعق طعام من صلصه الطماط -
1 ملعقه صغيره من الاورجانو -
نصف ملعقه صغيره من الروز مارى -
نصف ملعقه صغيره من الريحان basil -
نصف ملعقه صغيره بودره ثوم -
نصف ملعقه صغيره بودره البصل -
نصف ملعقه صغيره ببريكا -
2 ملعقه طعام زيت زيتون -
نصف ملعقه صغيره ملح -
نصف ملعقه صغيره فلفل اسود .

الطريقة:
نضع الطماطم فى خلاط العصير اويبيشر حسب الرغبه ثم نضعه فى قدر ونضيف اليه باقى المقادير ونضعه على النار حتى يمتزج المقادير مع بعض جيدآ.
ان شاء الله تنال اعجابكم
بضيف حركه حلوه انا دائما اسويها بالبيتزا حقتي
أحشي الأطراف بالجبن.. كييييف
اقولكم بعد ما أفرد العجينه في صينية البيتزااا اخلي اطرافها زايده شوي يعني طالعه على فوق اقطع جبنة كيري او المثلثات المتوفره اقطعها مستطيلات فهمتوا بالطول يعني واحطا بطرف البيتزا وارجع اسكر العجينه بس بشويش لين تمتزج بالطرف الاخر واحط صلصة البيتزا العاديه بس اضيف عليها فلفل حار بما أني انا وزوجي مدمنين سبايسي
وارش عليها الفلفل الاخضر والبصل وبعدين جبن تشيدر كرافت ابشرها واحطها اطعم من موزريلا... رأي شخصي...
واخر شي احط زيتون اخضر واسود شرايح طبعا
وارش شوية زعتر وعلى الاطراف بقسماط
احاول اسوي زي دومينوز بس بدري علي ههههه
بس هي حلوه بعد للي تبي تجر طريقتي
يالله المايك لكم تجارب الصلصة
ابي زي دومينوز