الحب السرابي

موضوع: الحب السرابي السبت يونيو 04, 2011 3:16 pm

قبل ثلاث سنين

السراب الأول

ضحى : عمرها 23 سنه متحجبه ما تحب شي اسمه سوق بس اهي انيقه تحب شي اسمه تعلم اللغات واللغه اللي تعشقها من الصغر الاسبانيه

كانت ضحى قاعده بمكتب واهي تشتغل في احد الدوائر الحكوميه وكانت تسوي شغلها علشان تابع مسلسلها المكسيكي كانت تزله على اليوتوب وعلى ما ينزل يبيله وقت

ضحى : اه اه ماني قادره متى يخلص التنزيل لاعت جبدي

حصه: انتي للحين تابعين مسلسلات مكسيكيه حبيبتي الناس تطورو ويشوفون مسلسلات تركيه

ضحى: والله عاد مو كل هبه راح امشي عليها وعلى قوله المثل (عتيج الصوف ولا يديد البريسم )

حصه: ووووووواي يديده عيوز صغيره ماكو فايده قديمه حدج

ضحى : هيه خلص راح اشوف المسلسل

وحطت السماعات وبدت تندمج

حصه : الحمد الله والشكر صج حدها مدمنه مسلسلات مكسيكيه

وخلص حلقه من المسلسل وبدت تنزل الحلقه اللي وراها

حصه : اقول ضحى ليش ما تعلمين اللغه الاسبانيه ؟

ضحى: والله ودي بس وين في دورات تعلم الاسبانيه

حصه : والله ما ادري شوفي يمكن في بالجرايد او اي مكان بس شوفي ؟

ضحى : والله فكره

حصه : اقول متى بتروحين ديرتج الثانيه اسبانيا

ضحى: والله ما ادري اشوف اهلي وين بروحون هل السنه بس ان شاء الله مو مصر مليت منها

حصه : هذي مصر ام الدنيا

ضحى : اي بس مليت ابي اغير شوي مليت

حصه : والله الصراحه انا احبها

ضحى : اي بس اهلي علقو ان شاء الله انغير

وخلص وقت الدوام ومرت ضحى الجمعيه تبي اغراض حق سهرتها مع رفيجتها دلال

وقبل ما دش لقت اعلان عن دورات لغه بجامعه الكويت استانست ضحى وبدت تاخذ رقمهم ودشت الجمعيه وشرت اغراض وردت البيت

ضحى: السلام عليكم

الكل : وعليكم السلام

الابو : شخصيته زينه وشوي عصبي بس طيب ويحب ضحى وايد واهي دلوعته

الابو: ها ضحى حبيبتي ابوها تاخرتي

ضحى : اي يبا لان شريت اغراض حق السهره مع دلول

الابو : اهم شي وناستج

الام : شخيتها متفهمه وتحب بناتها وايد واي مشكله يطحون فيها اهي تساعدهم

الام: ها يا بنيتي لايكون نسيتي شي ترى دلوله عزيزه علي وما ابي ينقصكم شي لاني باخذ السايق وروح العرس

ضحى: اي الله يعينج يما

الام: اه متى تسمعين كلامي وتين معاي

ضحى : علشان يشوفوني الناس ويخطبوني لا ما بي انا توني صغيره

الام : الله يهديج يا بنتي مع السلامه

ضحى : باي يمه

وراحت الام الصالون وبدت ضحى تزهب عمرها علشان رفيجتها ويت دلال

دلال : عمرها 23 سنه كبر ضحى وكانت رفيجتها من ايام الثانويه وكان تعارفهم يضحك

ضحى : هلا هلا والله بزينه البنات

دلال واهي تلمها : هلا حبيبتي والله مشتاقتلج

ضحى : وانا بعد دشي حياج

دخلو دار ضحى وبدو يشوفون فلم واثناء الفلم

ضحى : دلول خلاص انا راح ادرس لغتي المفضله

دلال : صج واخير اخذتي قرارج

ضحى: اي انا بصراحه ما عندي شي راح اقول حق اهلي وان شاء الله يوافقون

دلال : ان شاء الله عرفتي متى تبتدي الدوره

ضحى: لا راح ادق باجر ونشوف

السراب الثاني

كانت ضحى قاعده مع اهلها بعد وقت الغدا يعني شاي العصر

ضحى : يما يبا خلاص انا اخذت قرار

الام والابو : شنو

ضحى: من بعد اذنكم ابي اخذ دوره لغه

الابو: والله انا ما عندي مانع

الام : حتى انا بعد احسلج انتي عقب الدوام ما عندج شي قضي وقتج بشي مفيد

ضحى ماتت من الفرحه : مشكورين ووووايد وان شاء الله عقب الدوره راح ازور ديرتي
الثانيه اسبانيا

الابو : ردينا على اسبانيا انتي شفيج على هل
الديره ماكو غيرها

ضحى: مثل ما انت تحب النمسا انا احب اسبانيا

الابو: اي انا رحت لها بس انتي ما رحتي
اسبانيا

ضحى: حب فطري هاهاها

ضحكو الام والابو

دقت ضحى على المركز

ضحى : الو السلام عليكم

البنت مالت المركز : وعليكم السلام

ضحى: انا شفت اعلانكم عن الدورات اللغه
ممكن تقوليلي متى تبتدي الدوره واوقاتها

البنت مالت المركز : شوفي اختي كل الدورات راح تبتدي الشهر الياي وفي وقتين من ساعه 5الى السبع ومن 7 الى9 والتسجيل في منطقه العديليه

ضحى: مشكوره اختي ويطيج العافيه

البنت مالت المركز :الله يعافيج

بعد شهر

راحت ضحى المركز وسجلت الدوره وعقبها
دقت على دلال علشان تطلع معاها

في السوق

دلال : ها ضحى سجلتي خلاص

ضحى: اي تدرين انا مستانسه وايد حاسه ان
راح تصير وياي مغامرات وراح اشوف ناس
نفسي يحبون اسبانيا

دلال: اي يالله اهم شي وناستج

ضحى : مشكوره حبيبتي انتي

وصار يوم الدوره وتفاجات ضحى وايد طلاب موجودين واكثرهم شبابولقت بنات قعدت يمهم ليما ايي المحاضر

ضحى : ووووواو ما شاء الله وايد شباب فيه

منيره : نفس عمر ضحى حبوبه وايد بس وايد
خجوله مع الناس وخاصه الشباب

منيره : اي انتي تدرين الشباب علشان الدوري
الاسباني والكره

ضحى: اي والله صاجه

وقبل لا تبتدي المحاضره دش واحد متاخر كان
شكله عصبي وايد وماله خلق احد

ضحى تكلم نفسها : شفيه هذا نفسه خايسه حتى
سلام ما سلم ويع

وصار وقت المحاضره وبدى المحاضر يتعرف على الطلاب وفي وقت الاستراحه

ضحى : واي المحاضره حلوه حتى المحاضر
كان حبوب

منيره : اي والله صاجه

لمياء : نفس عمر ضحى ومنيره طبعا اهي عكس ضحى ومنيره تتكلم مع الشباب واهي جريئه وايد راح تكتشفون بعدين مع الاحداث

لمياء : سلام بنات انا لمياء

ضحى ومنيره عرفو نفسهم حقها

لمياء : واي المحاضره تونس وايد

ضحى: اي والله صاجه

لمياء :الا اقول ضحى انتي جنطتج اللي لابستها
اصليه

ضحى انصدمت من سوألها وجراءتها

ضحى: اي

لمياء : واي تدرين هذي سعرها غالي ملبوس
العافيه

ضحى: الله يعافيج مشكوره

وخلصت وقت الاستراحه وبدو يدرسون وعقب
المحاضره وفي مواقف السيارات

لمياء : واو ضحى هذي سيارتج واااي تهبل

ضحى : اي مشكوره حبيبتي

لمياء : ممكن تعطيني رقم تلفونج علشان اذا شي مو فاهمينه بالمحاضرات نقعد نساعد بعض
ضحى: اوكي

عطتها الرقم وردو البيت

السراب الثالث

ضحى ردت البيت عقب المحاضره وكانت تعبانه حدها وبدلت هدومها وسمعت تلفونها يرن وشافت رقم لمياء

ضحى مستغربه : هلا لمياء

لمياء : اقول ضحى بصراحه انا حبيتج وايد تدرين انتي دشيتي قلبي

ضحى: مشكوره وايد

لمياء: بصراحه انا ماني قادره انطر الكلاس الياي تشوقت وايد

ضحى: حتى انا

لمياء: عيل حبيبتي اخليج الحين باي حبيبتي

ضحى: باي

صكرت التلفون واستغربت وايد من دقه لمياء لها وشافتها حليوه بس حبت منيره وايد حست انها نفسها

في اليوم الثاني
الصبح

ضحى : صباح الخير

الام والابو: صباح النور

علي : عمره 18 سنه اخر سنه من الثانويه حبوب ويحب البر وايد

علي : ها الاسبانيه هني

ضحى: اي ياحبيبي انا اهني
الكل ضحك

شيخه : عمرها 20 تدرس في كليه الحقوق في سنه ثالثه واهي قريبه وايد من ضحى

شيخه :ها ضحى شلون الدوره

ضحى: بصراحه حلوه وايد اه ماهقيت اللغه حلوه جذي

شيخه : اهم شي وناستج عليج بالعافيه

ضحى: الله يعافيج

شيخه: انا بروح اللحين اجهز نفسي حق الجامعه

ضحى: تو الناس اي انتي تاخذين ساعه على المكياج

شيخه : انتي بس لو تسمعين كلامي حطي شوي مكياج

ضحى : لا انا مقتنعه جذي

قامت ضحى وطلعت من البيت علشان تروح الدوام وصلت الدوام

الدوام

حصه : اهلا بالاسبانيه شلونج

ضحى : الحمد الله كانت وايد حلوه

احمد : عمره 30 متزوج ويحب يسولف مع الحريم

احمد: صباح الخير بنات

البنات : صباح النور

ضحى ما كانت تحب تصرفاته

احمد : ها ضحى سمعت انج داشه دوره لغه
انقلب ويها وما عجبها كلامه

ضحى برود : اي

احمد: اي حلو انا احب المره اللي تتعلم لغات تدرين اذا رحنا دوله ومتعلمين لغتهم نعرف شنو يقولون مو جنه مخابيل

الكل ضحك الا ضحى حست انه سخيف

ضحى : عن اذنك رئيس القسم طلب مني شغل ولازم اروح

قامت بسرعه وطلعت بره القسم ما تحملت تشوفه

احمد : شفيها

حصه : ما تعرف ضحى ما تحب تكلم مع ريايل

احمد : بس اهي من زمان عندنا

حصه : احمد مالك شغل فيها ترى اهي من مثل البنات اللي تعرفهم

احمد : انزين خلاص يالله انا رايح

طلع احمد وحاط ضحى باله ويقول في نفسه ( بصراحه هل بنت مو طبيعيه لازم اعرف سرها )

ردت ضحى القسم وقعدت بمكتبها

ضحى: اف هذا احمد ما ينطاق

حصه : ويه ضحى لا تحطين ببالج ترى احمد جذي يحب يسولف

ضحى : اوكي انا ما احب اتكلم معاه الله يعين مرته

كانت ضحى نتطر محاضره بفارخ الصبر متى يي باجر

السراب الرابع

يوم المحاضره

الصبح

طلعت ضحى من البيت وراحت دوامها وعند
البصمه لقت احمد وتقول ضحى في نفسها

ضحى : يالله صباح خير اللحين شفت هل
الشخص لا بالله كديت خير

شافها احمد وسلم عليها

احمد : صباح الخير ضحى ها اليوم دورتج

ضحى بنفس : صباح النور عن اذنك

مشت ضحى عنه وراحت مكتبها ولقت البنات

ضحى دشت بسرعه القسم : السلام عليكم

البنات : وعليكم السلام

حصه: شفيج لاحقج اسد

ضحى : الاسد ارحم وايد احمد وراي هذا شفيه علي

حصه تضحك : اها
دش احمد

احمد : السلام عليكم بنات

الكل : وعليكم السلام

احمد بدا يطالع ضحى

احمد : اقول حصه جنه في وحده ما تبيني اقعد معاكم

حصه : لا ليش تقول جذي حياك

ضحى لاعت جبدها وفجت الكمبيوتر وبدت تطالع مسلسلها وحطت الهيد فون على اذونها
وما اهتمت فيه

احمد عصب ومشى من القسم

حصه طقت ايد ضحى ضحى شالت الهيد فون

حصه : شفيج عليه اهو ما سوى شي

ضحى: يا حصه هل انسان ما احبه قصب لازم
يحترم نفسه اهو متزوج

عايشه: اكبر من ضحى وما تحب ضحى ابدا وما تتمنى الخير لها ومطلقه

عايشه: عاد شدعوه اهو يبيج حبيبتي اهو
متزوج وحلو انتي شنو فيج حلو علشان يطالعج فيه اصحي يا ماما

ضحى : انا وحده ماني راده عليج تدرين ليش لاني محترمه مكان عملي وما اكلم ناس اسلوبهم جذي

عصبت عايشه وطلعت بره القسم بسرعه

حصه : قويه منج ليش قلتي جذي

ضحى : وانا عند ربي صاجه خل تحمد ربها اني ما قطيت كلام يجرها عيب عليها تقول كلام جذي عندي انا حاطه عيني عليه والله عيب

حصه: بعد انتي تعرفين اسلوب عايشه دايما جذي

ضحى : والله عاد من طاق الباب لقى جواب اهي تحرشت فيني

وبدت تكمل مسلسلها ونست الموضوع واندمجت حدها

وقت الدوره

وصلت ضحى الدوره ولقت منيره وكانت امها
موصلتها اشرت منيره حق ضحى يت وسلمت
على ام منيره ولقت امها حليوه نفس منيره و
بدو يدشون الكلاس يت لمياء وراهم

لمياء : ضحى شلونج

ضحى : الحمد الله لمياء اعرفج على منيره

لمياء: هلا والله

منيره : هلا فيج

وقعدو وينطرون المحاضر ويه الصبي اللي
مكشر طول الوقت

لمياء: اللللللله منو هل الحلو اللي يه انا هذا ما
شفته من قبل ضحى تعرفين شنو اسمه

ضحى : لا والله انا شعرفني

منيره : بس شفيه كله معصب شنو اهو مغصوب يدش الدوره

ضحى : ما ادري عنه

اثناء المحاضره

المحاضر : بالانجليزي انت لو سمحت جاوب على السوال

اتفتت ضحى كان المكشر

ضحى : ولين ما نقى الا هذا

المحاضر : اسمك

الصبي : انا اسمي نواف

المحاضر: اوكي جاوب

جاوب نواف وقعد

لمياء : اسمه نواف امم

خلص وقت المحاضره

ضحى : اليوم الدرس وايد صعب

منيره : اي والله

ضحى : منور ممكن اخذ رقمج

منيره: اي بصراحه انا كنت ابي رقمج من
المحاضره اللي طافت

ضحى : هاج رقمي

لمياء : اقول ضحى عادي نتيمع في بيتكم على
يوم شرايج

ضحى : ان شاء الله

لمياء : يالله ضحى باي

ضحى: باي

منيره : ما شاء الله على لمياء وايد فري

ضحى : اي يمكن اهلها عادي انا شعلي منها

منيره : اقول ضحى انا كنت شايفتج من قبل
كنتي اي ثانويه

ضحى : كنت بثانويه اليرموك

منيره: عدل علشان جذي عرفتج كنت معاج بالعربي

ضحى : ايييييييييي اقول انا وين شفتج وناسه

منيره : اي والله وناسه

وصلو حق المواقف ولقت ام منيره

منيره : يما ضحى كانت معاي بالثانويه

ام منيره : اي ياحليلها

منيره : عيل ضحى انا رايحه

ضحى : مع السلامه

وصلت ضحى البيت وحطت راسها ونامت

السراب الخامس

الصبح وقت الدوام

وصلت ضحى عند البصمه وبصمت وكان ناطرها احمد

احمد : صباح الخير اشوف المكان منور توه

ضحى بنفس : وعليكم السلام

وقبل لا تمشي وقف بويها

احمد : شوفي انا صابر عليج وايد ليش انتي تسوين فيني جذي

ضحى بصوت عصبي : شوف ان ما وخرت بشوف شي مني مو زين وخر عني

وخر عنها وعاطاها ابتسامه خفيفه وراح

دشت ضحى القسم واهي حدها معصبه

ضحى : السلام عليكم

الكل : وعليكم السلام

حصه : ضحى شفيج شكلج مخترعه

ضحى بصوت واطي : قليل الادب احمد تصدقين اليوم وقف بويهي ولا يقول (ضحى ليش تسوين فيني جذي ) الوقح لا انا ما راح اسكت عن حركته

حصه : ويه لا حول ولا قوه الا بالله والحل تدرين شلون انا بكلمه وان شاء الله خير

ضحى : ابيه لا اخاف تصير مشكله عليج انتي

حصه : انا عندي اروح اكلمه ولا توصل المسأله حق رئيس القسم حرام اخاف يفصلونه واهو متزوج وعنده بنت حرام

ضحى : هذا اللي مصبرني بس الصبر حدود

حصه : خلاص حبيبتي انا بروح اكلمه بس اهدي

ورفعت حصه التلفون ودقت على المطبخ

حصه : منير يب اثنين شاي وماي بارد

صكرت التلفون وقامت حصه من مكتبها

عايشه : اها في اسرار بينج وبين حصه عشتو

ضحى ما ردت عليها وبدت تشتغل عصبت عايشه من حركتها وراحت حصه حق مكتب الريايل ونادت احمد

احمد : هلا حصه شفيج

حصه : ممكن تي معاي بعيد عن مكتبك

احمد : اوكي

وطلعو من المكتب ووقفو بعيد عن مكاتبهم

احمد: خير حصه

حصه : احمد شوف بالمختصر مالك شغل بضحى ترى عيب اللي تسويه

احمد: انا شسويت

حصه بعصبيه : احمد ترى ندري شنو تسوي بضحى ما تفهمني شتبي فيها

احمد : تبين الصج

حصه: اكيد

احمد : انا احبها وبصراحه ابي اتزوجها

حصه : لا تعب روحك ضحى ما تبيك وارجوك يا احمد انا طالبتك مالك شغل فيها وترى اذا تعرضت لها ترى راح تشتكي عليك وانت تدري اذا صارت اي شكوى راح تنفصل وانت عليك شكوى من قبل فكر ببيتك وبنتك

احمد سكت وراحت حصه عنه وردت القسم

ضحى : ها شصار ؟

حصه : الحين لو يموت ما راح يسويلج شي لا تحاتين

ضحى : مشكوره وايد وان شاء الله اخدمج بالافراح

حصه: ان شاء الله بعرسج

ضحى : ان شاء الله

وخلص وقت الدوام وكان احمد يطالع ضحى بعصبيه وطلع بسرعه

ضحى في قلبها : الله يستر منه

وردت البيت وتغدت مع اهلها وما يابت طاري اللي صار دشت دارها ودقت على دلال

ضحى: ها دلول وينج وشخبارج

دلال : ها انتي وينج يا لاسبانيه

ضحى: عندي لج سوالف وايد لازم اشوفج

دلال : خلاص نروح قهوه ونسولف عن اللي صار معاج شرايج باجر

ضحى : اوكي على باجر باي

دلال : باي

سكرو التلفون ودقت منيره عليها

منيره : شلونج ضحى

ضحى : هلا والله شلونج

منيره : الحمد الله ها راح نشوفج الاسبوع الياي

ضحى : اي ان شاء الله حبيبتي

منيره : خل نشوف شنو يصير الاسبوع الياي الاستاذ حده يونس

ضحى : اي والله

منيره: عيل انا اخليج اللحين باي

ضحى: باي

السراب السادس

استعدت ضحى حق طلعتها مع دلال وتواعدو في المارينا مول

المارينا مول
كوفي شوكلت بار

دلال: اهلين بالحلوه

ضحى: هلا والله فيج

طلبو اكلهم وبدت دلال الكلام

دلال: قوليلي ضحى اصار معاج بالدوره يلا قوليلي

ضحى : انزين لا تحنين

دلال : اوكي كلي اذان صاغيه

ضحى: بصراحه الدوره وايد حلوه وتعرفت على وحده معاي بالدوره اسمها منيره خوش بنت وفي شباب وايد كلهم زينين بس واحد نفسه خايسه

دلال : اممم شسمه

ضحى : نواف

وكملو اكلهم وكان واحد يه ضحى عصبت حدها شافه ودش داخل

دلال : ضحى شفيج هذ ليش خزج جذي

ضحى: هذا القثيث احمد اللي معاي بالدوام ما افتك منه في الدوام ايي هني شل حظ

دلال: اي هذا اهو صج الله يعينج

ضحى : ايي شسوي خليني اقولج شنو سوالي بالدوام

دلال: شنو اصار

جان تقول القصه اللي صارتلها

دلال: ويع صج ما يستحي على ويهه

ضحى: الله يعيني باجر على النغزات ويع

دلال: صج الله يعينج

وصار اليوم الثاني

الصبح وقت الدوام

ضحى دشت القسم

ضحى : السلام عليكم

البنات : وعليكم السلام

ضحى: ها حصه شلونج

حصه : الحمد الله

واثناء الشغل دش احمد القسم وبدت ضحى

تسوي نفسها ما تشوفه

احمد : ضحى بو وليد يبيج اللحين

ضحى وحست بشي مو زين : خير ان شاء الله

طالعها بنظره خبيثه وطلع

حصه : غريبه ليش يبيج بو وليد

ضحى : والله ما ادري

عايشه دخلت نفسها : والله شوفي شنو مسويه اممممم

ضحى: لا حول ولا قوه الا بالله

طلعت ضحى من القسم ودخلت غرفه بو وليد

ضحى: السلام عليكم بو وليد

بو وليد : هلا ضحى تفضلي قعدي

ضحى: ان شاء الله

اقعدت ضحى وقالت : خير بو وليد في شي

بو وليد : ضحى الدوره اللي كنت بتروحيلها هل شهر تحولت حق عايشه

ضحى منصدمه : ليش بو وليد الدوره كانت لي انا

بو وليد : ضحى خلاص ماكو مناقشه الدوره راحت حق عايشه انتهى

قامت ضحى وحدها معصبه ودشت القسم

حصه : ضحى شفيج ويهج انقلب عسى ماشر

ضحى : الدوره لي كنت بروحلها خذتها عايشه

حصه : شنو ليش

ضحى : ما ادري

قامت عايشه من مكتبها وقربت صوب ضحى

عايشه : اقول حبيبتي لا تحطين راسج براسي ومثل ما قتلج وخري عن احمد فاهمه واللحين انا وياه بدوره وحده

ضحى : عليج بالعافيه الدوره واحمد انا ما ابيهم

طلعت عايشه من القسم وتضحك بصوت عالي

حصه : ميخالف ضحى الله يعوضج

ضحى والدموع بعينها : ليش جذي هذا ظلم

حصه : انتي تدرين رئيس القسم يصير حق احمد وشوفي يمكن اهو ورا هل شي

ضحى : ليش كل هذا لان مابي اتكلم معاه

حصه : مو مشكله حبيبتي

نهايه الدوام

شافت ضحى احمد وعطاها ابتسامه خبيثه

ضحى رجعت البيت وحدها معصبه

الابو :شفيج حبيبتي

ضحى : يبا انا خلاص مليت من دوامي

الابو: ولا يهمج حبيبتي انا انقلج قسم ثاني بس لا تعصبين حبيبتي

ضحى: مشكور يبا ما تقصر

الابو: نطري ليما اخلص اجراءات نقلج بس اهم شي عندي ما تزعلين

ضحى لمت ابوها : مشكور يبا

الابو: ها عاد دورتج الاسباني الاسبوع الياي بعدين تعالي كلميني اسباني

ضحى تضحك : ان شاء الله يبا

دشت ضحى دارها وحطت راسها ونامت عقب يوم كئيب

السراب السابع

وقت الدوره

دشت ضحى الكلاس وشافت منيره وقعدت يمها

ضحى : السلام عيكم شلونج منيره

منيره : الحمد الله انا زينه ها سويتي الواجب

ضحى : اي الله يعينا كله حوار الله يستر

دشت لمياء وكانت حاطه حمره لونها حمرا استغربت ضحى

لمياء : هاي ضحى شلونج

ضحى : هلا والله ها لون احمر شسالفه

لمياء : لا ولا شي بس جذي

ضحى: امممم اوكي

دش نواف وشاف ضحى بنظره بارده وراح وقعد يم ابراهيم

ابراهيم : عمره 16 سنه ويحب ضحى وايد

ابراهيم : شلونك نواف

نواف ببرود : هلا والله

ابراهيم : سويت الواجب ولا لأ

نواف : اي

دش المحاضر وسلم عليهم وبدوا يتناقشون عن الواجب

المحاضر : نواف انت وضحى راح تتحاورون يلا ( طبعا بالانجليزي المحاضر يتكلم )

نواف وقف وطالع ضحى واهي نفس الشي

المحاضر : يالله ابدو

بو الحوار وكانت ضحى حدها مستحيه لانها غلطت وووووايد

ضحى قعدت وحدها مستحيه

منيره : عادي شفيج كلنا نغلط

ضحى : امممممم واي فشله

لمياء : شفيج جذي مستحيه صج ما عندج سالفه

وبدوا الطلاب يسون الحوار مع بعض وصار وقت البريك

وقت البريك

لمياء بسرعه قامت وراحت حق نواف

لمياء : اقول نواف عندك فيس بوك

نواف ما طالعها : اي ليش

لمياء : عيل ليش ما تضيفني عندك

نواف بعصبيه : ليش ان شاء الله

لمياء مستغربه : لانك معاي بالكلاس واذا كنت تبي شي عن الكلاس نقدر نتواصل

نواف : لا ما احتاج

قام عنها وطلع بره وردت حق البنات

لمياء بعصبيه : اففففففف صج انسان ما يستحى

ضحى : ليش اصاير ؟

لمياء: بس قلتله ضيفني بالفيس بوك

ضحى : من صجج انتي

لمياء : اي من صجي

ضحى ومنيره بدوا يطالعون بعض باستغراب

خلص وقت المحاضره وقبل لا يطلعون نواف طالع ضحى نفس النظره اللي بدايه الكلاس

ضحى استغربت وحست شيي في قلبها بس ما اهمت

ردت البيت وبدت تتذكر كل المواقف اللي صارت اليوم وكانت تقول بينها وبين نفسها ( ليش قاعده افكر فيه )

اليوم الثاني

الصبح

نزلت ضحى ولقت ابوها قاعد

ضحى : صباح الخير يبا

الابو: صباح النور اي تذكرت ترى نقلج صار قريب ان شاء الله راح اطلعج من هل الدوام

ضحى : صج يبا مشكور بس ما قتلي وين راح اروح

الابو : لا هذي مفاجأه ما راح اقولج بس مكان قريب من البيت احسن من هل المكان

ضحى : اي والله

وقت الدوام

ضحى دشت القسم

ضحى : السلام عليكم

الكل : وعليكم السلام

ضحى قعدت بمكتبها وحدها مستانسه

حصه: اليوم مستانسه فرحينا وياج

ضحى : في مفاجأه بس ماراح اقول كل شي بوقته حلو

عايشه: عشتو والله همن انتي عندج مفاجات بش

ضحى: اقول حبيبتي ماني راده عليج

عايشه قامت من مكتبها : لا حبيبتي ابيج تردين بعد هذا اللي ناقص

ضحى حطت السماعات وما ردت عليها

عصبت من حركتها وردت مكتبها

دش احمد عليهم

احمد : السلام عليكم

الكل : وعليكم السلام

احمد: اقول عايشه لا تنسين الدوره ترى راح تبتدي باجر

عايشه استانست : اي انا حدي مستانسه

احمد : يالله عيل مع السلامه

ضحى في قلبها : الحكمد الله والشكر يالله مثبت العقول

فجأه ردت صوره نواف في بالها واستغربت من الي يصير معاها

موضوع: رد: الحب السرابي السبت يونيو 04, 2011 3:18 pm

السراب الثامن

ردت ضحى من الدوام وكانت مستغربه ليش كانت تفكر بنواف ليش حاولت توخر عن هل الافكار نزلت تحت ولقت العايله كلها قاعده

الصاله

السلام عليكم

الكل: وعليكم السلام

ضحى: يبا حبيبي شنو صار على نقلي ترى بصراحه انا ماني قادره اتحمل الناس اللي هناك

الابو: ولا يهمج حبيبتي بس شهر وراح تروحين المكان اليديد صبري شوي

ضحى : تحملت سنه ونص بتحمل شهر افف الله يعيني

الام : صج الله يعينج

شيخه وهي تاكل البسكوت : صج الدوامات مشاكلها وايد

علي : اقول ضحى صج الدوامات جذي مشاكلها انا على بالي بس سوالف مسلسلات

ضحى : اي المسلسلات وايد ارحم

وعقب النقاشات دقت لمياء على ضحى

لمياء ضحى شلونج حبيبتي شخبارج

ضحى : الحمد الله

لمياء : اقول جنه ابراهيم معجب فيج

ضحى : شنوووووووووو اي شي انا اكبر منه بوايد

لمياء: عاد اهو شدراه بس ابي اعرف جم عمر نواف

ضحى : والله ما ادري على ما اظن اصغر منه شكله جذي

لمياء : اممممممم اقول ضحى اقدر ازورج بالبيت ومعاي منيره

ضحى : ما ادري والله لازم اسال اهلي

لمياء : عيل اخليج اللحين

ضحى: حياج الله

ضحى وايد مستغربه من لمياء واهم شي ابراهيم معجب فيها وييييييع

ضحى بينها وبين نفسها : شل حظ الردي واحد اكبر مني ومتزوج واحد اصغر مني شل الحظ الردي

موضوع: رد: الحب السرابي السبت يونيو 04, 2011 3:19 pm

السراب التاسع

ردت ضحى من الدوام وكان الابو قاعد بالصاله وكان ماسك ورقه وكان يحركها يمين ويسار

ضحى : السلام عليكم

الابو يبتسم : وعليكم السلام

ضحى : شنو هل الورقه

الابو: هذي ورقه سعدج

خذت الورقه من الابو وعقب ما قرتها صارخت من الفرحه : هييييييييييييييييييييييييييييييييييييييييييييييييي ييه

ضحى : مشكور يبا ما قصرت

الابو : وين هديتي

ضحى : امر شنو تبي

واشر الابو على خده وعلى طول راحت وباسته وعقبها راحت دارها وقعدت ترقص من الفرحه ودقت على دلال

ضحى : الو دلال باركيلي انا انتقلت

دلال: مبروك كللللللللللووووووووووووش واخير افتكيتي من الدوام الودر

ضحى : اي الحمد الله صبرت ونلت

دلال : اقول راح تقوليلهم وشنو راح تسوين ؟؟؟؟؟؟

ضحى : لا ما راح اقولهم راح ايمع اغراضي وعقبها راح اقول انتقلت

دلال: والله مو هينه

ضحى : هذا اقل شي اسويلهم وروني الويل

دلال : بس ان شاء الله دوامج اليديد يكون احسن

ضحى : ان شاء الله

اليوم التالي

الصبح

نزلت ضحى مستانسه : صباح الخير يا احلى عايله

الكل : صباح النور

شيخه :ها ضحى اشوفج مستانسه كل مره تنزلين زعلانه النقل يسوي جذي ؟

ضحى : اي راح افتك من هل الدوام الودر

علي: اي الله يعينج

خلصت ضحى الريوق وراحت دوامها ولتقت احمد جدامها وما عطته اهتمام

الدوام

دشت ضحى القسم وسلمت

عايشه: عتو اشوفج مستانسه وايد عسى ما شر

ماردت ضحى عليها ودقت على الفراش

ضحى : الو ييب جيس كبير على مكتبي

الفراش : ان شاء الله

وبدت ترتب اغراضها

عايشه : شنو اليوم يوم تنظيف العالمي

وهم ماردت عليها وهي ماتت من الحره ودزت مسج حق حصه لانها ماداومت ( شلونج حبيبتي مشكوره على كل شي سويتيه لي اليوم انا انتقلت بس ان شاء الله ما تنقطع اتصالاتنا واشوفج على خير )

دش احمد ووقف جدام مكتب ضحى

احمد : ضحى صج الخبر اللي سمعته

عايشه وقفت من مكانها : شنو شسالفه

احمد بعصبيه : عايشه لو سمحتي سكتي

قعدت عايشه بمكانها

ضحى بابتسامه خبيثه : اي خبر

احمد عصب حيل : لا تستعبطين صج بتنتقلين ؟؟؟؟؟؟؟

ضحى : اي

خلصت اغراضها وبست نظارتها الشمسيه ونادت الفراش

ضحى : اخذ اغراض وحطهم بسيارتي

الفراش : ان شاء الله

وعقب ما راح

ضحى : اقول عايشه عليج بالعافيه القسم والدوام واقول احمد عليك بالعافيه الدوره تهنى فيها يالله باي وقعدت تضحك

وطلعت ضحى وحدها مستانسه وما خلتهم حتى يردون ودشت سيارتها وحطت اغاني فريحيه مع العلم انها ما تسمع اغاني وحدها مستانسه لان كان ويه عايشه واحمد منصدمين وقعدت تدندن

ضحى: والله فكه من دوامي هيييييه

الدوام اليديد

وصلت ضحى الدوام وراحت قسم الشئون الوظيفيه

ضحى : السلام عليكم

الموظف : وعليكم السلام

ضحى : الموظفه انتقلت واسمي ضحى

الموظف : لحظه شوي

وطلعها اسم القسم اللي بشتغل فيه

واحت قسمها اليديد

موضوع: رد: الحب السرابي السبت يونيو 04, 2011 3:22 pm

السراب العاشر

دشت ضحى قسمها اليديد ولقت موظفه قاعده

افراح : عمرها 35 سنه متزوجه وعندها بنت وولد واهي ووووايد حبوبه

افراح : اظن انج ضحى صح

ضحى : اي

افراح : انا افراح اقدم موظفه في القسم وراح اعلمج على الشغل وفي 4 شباب وبنتين بس قسمنا متعاون ونحب بعض وراح تشوفين في الايام اليايه

ضحى: ان شاء الله

افراح : اللحين الموظفين في الاقسام الثانيه عقب ما يخلصون من الشغل يروحون الاقسام الثانيه تدرين الدوام طويل وتقدرين تتعرفين على باجي الاقسام ترى ادارتنا حدهم حلوين

ضحى : مبين

ودشوا الموظفين

جراح : عمره 30 سنه توه متزوج يعني معرس يديد وحده طيب ومحترم

افراح : هذا جراح معرس يديد

ضحى : مبروك

جراح : الله يبارك فيج

افراح : جراح هذي ضحى موظفه اليديده عندنا

جراح : فرصه سعيده اخت ضحى واذا محتاجه شي ترى اخوج جراح موجود

ضحى : مشكور وايد اخ جراح

فراس : عمره نفس عمر ضحى وما يحب يتكلم وايد وهادي

افراح : فراس هذي ضحى

فراس باختصار: هلا والله

مبارك : عمره 26 سنه حبوب وايد وكل البنات يحبونه لانه جميل وايد

افراح : هذا مبارك

مبارك طالعها : انا مبارك فرصه سعيده

محمد : عمره نفس عمر مبارك بس اهو اطول من مبارك وملامحه رجوليه

محمد : انا محمد فرصه سعيده

ضحى : مشكورين وايد

مرت ساعه على تعارفهم

الشباب

مبارك واهو يساسره : اقول حمود جنه البنيه زينه وما اطالع احد

محمد : يمكن مستحيه

مبارك : بس اهي ليش جذي مو مثل باجي البنات

محمد : شنو تقصد

مبارك : يعني بنات هل ايام يحبون يسولفون مع الشباب احس انها من ايام اول

محمد : بس عاد لا تكلم عن البنيه جذي

مبارك : شفيك انت

محمد: ما فيني شي بس استلمت البنت حجي

مبارك يقول بنفسه : ملامحه حلوه بس لو تعرف حق نفسها تطلع ملكه جمال

خلص وقت الدوام

البيت

ضحى واهي مستانسه : السلام عليكم

الكل : وعليكم السلام

الابو: ها يا بنيتي شلون دوامج اليديد

ضحى : بصراحه صج اوادم ولا افراح تهبل وووووايد وفي بنتين واهم اللحين في اجازه امومه

الابو: الحمد الله انج ارتحتي

الام : ربي لك الحمد صبرتي ونلتي

ضحى: الحمد الله

شيخه : ضحى شرايج نكمل سوالف عن دوامج اليديد في دارج

ضحى: اوكي

دشو غرفه ضحى

ضحى: ها شفيج

شيخه تضحك: اقول ضحى شلون الشباب اللي وياج

ضحى : عادين بس في واحد من استايلج

شيخه : صج شسمه

ضحى: مبارك

شيخه : لا وييييع علشان كل ما نعايد يقولون ريلج مبارك وسمي ولدج عيد ويصير عيد مبارك

ضحى ماتتتتتتتتت من الضحك

شيخه : انزين شلون اللي معاج بالدوره

ضحى : منو

شيخه ترفع حواجبها : نووووووواف

ضحى : الحمد الله والشكر موصاحيه ما ادري عنه يالله خل اجهز علشان اروح الدوره

شيخه : موفقه

وقت الدوره

دشت ضحى وشافت نواف يطالعها ويبتسم استغربت وايد وقعدت

ضحى : منور شلونج

منيره : هلا والله

ضحى : في شي غريب

منيره : شنو ؟؟؟؟؟؟

ضحى: نواف ابتسم لي

منيره : صج

ضحى : اي والله

دشت لمياء

لمياء : هاي بنات

البنات : هلا والله فيج

ضحى : شفتي نواف قاعد يبتسم اول مره اشوفه جذي

لمياء : شنو يبتسم حق منو

ضحى براءه : حقي صج غريبه

لمياء : اي

موضوع: رد: الحب السرابي السبت يونيو 04, 2011 3:23 pm

السراب الحادي عشر

ردت ضحى من الدوره وكانت مستغربه من ابتسامه نواف ليش كان يبتسم لي وشمعنه انا وقطعت افكارها صوت رنه تلفون ويوم شافت الرقم كانت لمياء

ضحى : هلا لمياء شلونج

لمياء : هلا والله ضحى اليوم اشوفج مستانسه وايد

ضحى : انا لا عادي

لمياء : علي هل حركات اشوف الاخ نواف يتبوسم لج ها شسالفه

ضحى : انا مستغربه نفسج ما ادري ليش

لمياء : الظاهر معج فيج شعليج عندج معجبين

ضحى: لا ما اظن كلش

لمياء : عيل ما تفهميني ليش يبتسم لج

ضحى: لمياء شفيج عسى ماشر

لمياء : ها لا ما فيني شي

ضحى: ما ادري عنج قاعده تسألين ووووايد

لمياء : عيل خلاص اخليج

ضحى : اوكي مع السلامه

لمياء : باي

ضحى استغربت من اسئله لمياء ودقت على دلال

ضحى: دلال حبيبتي شلونج

دلال : هلا والله ها شلون الدوام اليديد وشلون الدوره

ضحى : اللحين اقولج

وبدت تقولها عن الدوام اليديد ووصلو لي الدوره

ضحى : اقول دلول في شي غريب صارلي

دلال: شنو قولي

ضحى : تدرين نواف ابتسملي

دلال : نواف مو هذا القثيث اللي ما يضحك

ضحى : اي

دلال: صج شي غريب

ضحى : اي والله انا مستغربه بعد واللي معجبني اكثر لمياء تقول انه معجب فيني

دلال : شنو معجب ما ادري يمكن

ضحى : والله ما ادري ماني حاطه هل شي ببالي

دلال: على قولتج شرايج نطلع باجر

ضحى : اوكي مو مشكله

صكرت ضحى التلفون وبدت تفكر صج اهو معجب ولا لأ تخربطت الافكار عندها

اليوم التالي

الدوام

ضحى : صباح الخير

الكل : صباح النور

افراح: شلونج ضحى

ضحى : الحمد الله

مبارك كان يطالع حركات ضحى وكان يقول في نفسه ( حلوه بس مو عارفه حق نفسها لو تغير استايلها وتحط شوي مكياج تكون صاروخ بس صج ما تعرف حق نفسها ) وقطع افكاره صوت محمد

محمد: مبارك هي انت وينك

مبارك : كاني انا هني شفيك انت

محمد: بدال لا تسرح سو شغلك يلا

مبارك : انزين افف

الفراش نادى افراح ومحمد كان يبيهم رئيس القسم وفراس ما وصل

مبارك راح صوب ضحى

مبارك : اقول ضحى ممكن تسوين هل اوراق علشان تتعلمين شغلنا انا نص وانت نص

ضحى: اوكي مو مشكله

مبارك راح مكتبه ويبي ينتهز الفرصه قبل لا اييون الموظفين

مبارك : ضحى ممكن اسالج

ضحى مستغربه : تفضل

مبارك : ممكن تقوليلي ليش انتققلتي

ارتبكت وايد من السؤال وبدت تحرك ايدها يمين ويسار ودش فراس القسم وانقذها من غير مايدري

فراس: السلام عليكم

مبارك يقولها بنفس : اهلا فراس ها ليش ييت اللحين

فراس ببرود : ليش مل تبيني ايي

مبارك توهق : لا اقول انت ييت بنص الدوام لو ماخذ مرضيه احسن

فراس ببرود : لا ما يحتاي اقول مبارك شغلي مال امس

مبارك متنرفز : عند ضحى

راح فراس عند ضحى

فراس : ممكن تعطيني الاوراق

ضحى : تفضل

اخذ الاوراق وراح يسوي شغله وقال حق مبارك

فراس : المره اليايه لا تعطي اوراقي حق احد ترى افهم حركاتك

مبارك: انت شفيك هذا جزاتي اني بخلص الشغل بسرعه

ما رد عليه فراس وقعد بمكتبه عصب مبارك وطلع من القسم وضحى قاعده طالعه مستغربه

فراس: اخت ضحى

ضحى: نعم

فراس : انا ما احب اتكلم وايد ولا احب احد ياخذ شغلي لا تستغربين المره اليايه واحنا راح نعطيج جدول عن شغلنا وكل واحد شنو شغله

ضحى هزت راسها

فراس : في شي ثاني انتبهي من الانسان اللي يتقرب لج

ضحى استغربت : شنو تقصد

طالعها بدون مبالاه : مع الايام راح تعرفين

في هذا الوقت دشو محمد وافراح القسم واستغربو ان مبارك مو هني

افراح : وين راح مبارك

ضحى: ما ادري

افراح : فراس وين راح مبارك

فراس: ما ادري عنه

افراح : افففففف ماكو فايده منه

ضحى استغربت من فراس واستغربت اكثر من مبارك

بدت افراح تعلم ضحى وعطتها شنو راح تشتغل

افراح : ضحى اللحين عرفتي عن الشغل كله بس في شي

ضحى : شنو ؟؟

افراح : لا تاخذين شغل فراس اهو ما يحب احد ياخذ شغله بس يرضى ان محمد ياخذ شغله

ضحى : مو مشكله

افراح : اي ولا تاخذين شغل مبارك ترى اهو ما يحب يشتغل لا يقط شغله عليج ديري بالج

ضحى : مو مشكله

موضوع: رد: الحب السرابي السبت يونيو 04, 2011 3:25 pm

السراب الثاني عشر

طافت ساعه على الدوام وحست ضحى بملل وقالت حق افراح

ضحى : اقول افراح في سؤال بسألج اياه بس مستحيه

افراح : ليش مستحيه قوليلي

ضحى : فراس اهو طبعه جذي احس ان ما يحب يكلمني مع العلم اني ما سويته شي

افراح اضحكت : لا مو جذي الموضوع شرايج نروح الكافتيريا علشان اقولج كل شي

ضحى : اوكي

طلعو افراح وضحى وبدو الشباب يطالعونهم

مبارك: ابي اعرف ليش انتقلت من دوامها ولا شرايك حمود

محمد : ما ادري ولا تتدخل في خصوصيات الناس

مبارك يكلم نفسه : لا لازم اعرف ليش

الكافتيريا

افراح : شنو تبين تشربين

ضحى : بس شاي

افراح : اوكي

طلبو وقعدو

افراح : راح اقولج كل شي ضحى بس هل شي محد يعرفه غيرج

ضحى : ليش ؟؟؟

افراح : ما ادري انا حبيتج وايد وارتحتلج

ضحى: مشكوره حبيبتي

افراح تتكلم بصوت حزن : بقولج القصه صارت من سنه

قبل سنه

افراح : حبيبي فارس وينك ؟؟

فارس : انا بطريج خليج بره انا ياي اللحين

افراح : اوكي

سكرت التلفون

افراح : خالتي انا بروح اللحين تامريني على شي

ام فارس : لا حبيبتي سلامتج بس خلي فارس ينزل شوي

افراح : ان شاء الله

وصل فارس

فارس : حبيبتي وينج

افراح : انا داخل بس خالتي تبيك شوي

فارس : ياالله انا نازل

دخل فارس البيت

فارس : هلا يما شلونج

ام فارس : هلا ولدي ابيك باجر تمرني ابيك ضروري

فارس : ان شاء الله يما مو مشكله

طلعو من البيت وراحت افراح قبله وقبل لا دش سياره في سياره مسرعه حيل قربت من افراح وكانت مسرعه حيل

فارس : افرررررررررررررررررررررررراح

ركض فارس ودزها وصارت الدعمه فيه وطار جدام عينها وتوفى على طول

افراح : فاررررررررررررررررررررررررررررس

دمعت عين افراح وكملت

افراح: تدرين منو اللي دعمه

ضحى : منو ؟؟؟؟

افراح بحزن : حماي فراس

ضحى : شنو فراس حماج

افراح : اي

ضحى منصدمه : صج الدنيا غريبه

افراح : كان فراس كل يوم يلوم نفسه ليمه انا هديته وقتله خلاص الغالي راح وهذا يومه

ضحى :بس ما........ادري شنو اقولج

افراح: انا انسانه مؤمنه يا ضحى ومن يومها واهو كله هادي وما يحب يتكلم مع احد بس محمد لان رفيجه من زمان

ضحى : انا اسفه اني سألتج ذكرتج باشياء تضيق خلقج

افراح : لا حبيبتي انت ما لج ذنب بس ميخالف راعي فراس ترى اهو طيب وحبوب وايد مثل المرحوم

ضحى : تزوجتيه عن حب

افراح :اي بس كان حب طاهر كنت اعرفه بالجامعه حبني وحبيته ووعدني انه نتزوج عقب التخرج وفعلا تزوجنا وعشت احلى ايام معاه

وكملت

افراح : صج منى عيني القى وحده تحب فراس وطلعه من الحاله اللي اهو فيها

ضحى: ان شاء يلقى بنت الحلال الزينه

افراح : ان شاء الله

في الوقت نفسه في القسم

مبارك : اقول فراس ليش سويت جذي فيني فشلتني جدام ضحى

فراس برود : لانك تعرف اني ما احب احد ياخذ شغلي

مبارك : اي مو بس جدامها

فراس : مبارك انا اعرف حركاتك عدل لا تسوي شي حق البنت

مبارك : ليش انا سويت

فراس : انت تعرف مالا داعي اوضح

محمد : مبارك بس خلاص سو شغلك احسن

مبارك : انتو شفيكم علي كلكم فاهمني غلط

محمد : اقول مبارك اقعد احسن وسو شغلج

قعد واهو معصب

الكافتيريا

افراح : شرايج انرد المكتب

ضحى : يلا

وردو المكتب وبدت ضحى تستوعب فراس وتقول في نفسها : مسكين فراس الله يعينه

وخلص وقت الدوام

البيت

ضحى : السلام عليكم

الكل : وعليكم السلام

ضحى : شلونكم

الابو: الحمد الله شلون دوامج

ضحى : الحمد الله يبا وايد احسن من الاولي

الابو : الحمد الله

الام : اقول ضحى عندنا عرس باجر تعالي معاي

ضحى : يما جم مره اقولج ما احب العروس

الام : ضحى ما يصير جذي لازم تيين معاي علشان تشوفج الناس

ضحى: يما ابي ماني سلعه اذا عجبتهم او لأ اللي يبيني ايي عندي ما اروح اعرض نفسي

الام : ليش تفكرين جذي انزين بس روحي استانسي

ضحى : مشكوره ينا اخذي وياج شيخه

شيخه : اي يما ابي اروح

الام: خلاص عيل تعالي معاي

ضحى راحت غرفتها وبدت ادش النت

مر الوقت عليها واللحين وقت دورتها

وقت الدوره

ضحى : تصدقين منور مر شهر على الدوره ومابقى شي تخلص

منيره: اي والله

دش نواف وسلم على ضحى وكانت لمياء وراه

لمياء : اشوف نواف سلم عليج

ضحى: انا مستغربه نفسج

لمياء : اممممم

وبدت المحاضره وكانت عاديه وصار وقت البريك راحت لمياء حق نواف

لمياء : اقول نواف يصيرك (.........)

نواف : لا ما يصيرلي

لمياء : بس انت وياه نفس العايله

نواف طالعها بنظره وقام من مكانه وبدى يطالع ضحى ببرود

ضحى في نفسها : شفيه هذا

ردت لمياء مكانها واهي معصبه : اففففف صج كا يستحي على ويهه

ضحى : شفيج

لمياء : هذا نواف سألته عن واحد نفس عايلته ورد علي بنفس وراح

ضحى : يمكن احرجتيه

لمياء : عشتو والله

وفي هذا الوقت يه ابراهيم عند ضحى وقال

ابراهيم : ضحى ممكن اكلمج شوي بره

ضحى : ليش في شي

ابراهيم : اي

ضحى: اوكي

اطلعو وكان نواف بره ويسوي نفسه ما يسمعهم بس سامعهم عدل

ضحى : خير عسى ماشر

ابراهيم : ضحى انا احبج وايد

ضحى ونواف انصدمو من جرأته

ضحى ردت : ابراهيم ممكن اسالك سوال

ابراهيم : تفضلي

ضحى : انت تدري جم عمري

ابراهيم منصدم : لا

ضحى : انا عمري 23 سنه وانت عمرك 16 وبعدين انا ما احب هل سوالف ابراهيم انا اشوفك مثل اخوي الصغير ابراهيم ان شاء تلقى وحده احسن مني ومناسبه لعمرك

ابراهيم دش الكلاس وحده زعلان واهي دشت وراه وما درت ان نواف كان يسمع كلامهم

دشت الكلاس ودش نواف عقبها بخمس دقايق وابتسم حق ضحى

انصدمت ضحى من حركه نواف

لمياء : شفيه ابراهيم يبيج

ضحى : لا كان يسأل عن الدرس اللي طاف كان مو فاهم نقطه وشرحتله

لمياء : امممممم

وخلص وقت الكلاس وردت ضحى البيت واستغربت من الاحداث اللي صارتها من اول اليوم

( قصه افراح وفراس واعتراف ابراهيم وابتسامه نواف ) تخربطت افكارها وحطت راسها ونامت

موضوع: رد: الحب السرابي السبت يونيو 04, 2011 3:27 pm

السراب الثالث عشر

مر شهر على الاحداث على اللي صارت وما بقى الا جم يوم وتخلص الكلاس الاسباني ابراهيم انسحب من الكلاس بعد جواب ضحى ورجع جراح من اجازته بعد عرسه واللحين نبتدي الاحداث الروايه

بعد شهر

الدوام

دش جراح القسم

جراح : السلام عليكم

الكل : وعليكم السلام

مبارك : اهلا بالمقرود اليديد

جراح : ههههههه قصدك المعرس اليديد

محمد: شلونك شخبارك

جراح : الحمد الله يالله محمد شد حيلك ابيك معرس

مبارك : ليش جذي تبي تقتله وتموت شبابه تو الناس عليه

جراح : ابي افهم شي واحد ليش انت جذي رافض الزواج

مبارك بتكبر : بصراحه بنات الكويت دلوعات وسخيفات حيل تفكيرهم بسيط

جراح عصب : لا عاد حدك بنات الكويت ولا اسنع منهم انت بصراحه صج مو كفو نعمه

مبارك : روح زين انا واحد ما اربط نفسي على وحده طول عمري ولا طلباتها ما تخلص

جراح : ما اقول الا الله يعين البنت اللي بتاخذك

مبارك بغرور : لازم تحمد ربها وتبوس ايدها ليل ونهار

محمد بضحكه استهزاء : ليش توم كروز وانا ما ادري

جراح مات من ضحك ورد : والله يبتها خله يولي زين

محمد : شلون السفره مع المدام

جراح : والله استانسنا وووايد

محمد يغمز : وشلون الزواج حلو

جراح : حلو وبس تصدق ما حسيت براحه نفسيه واستقرار الا بعد الزواج والمره اللي خذيتها بنت اياويد وخوش وحده الله يرزقك وحده نفسها انت وفراس

محمد : مشكور وايد

راح جراح حق فراس

جراح : فراس شلونك

فراس : الحمد الله عسى استانست بسفرتك

جراح يبتسم : وايد وان شاء الله تلقى بنت الحلال اللي تسعدك

فراس بنهته كبيره : منو راح ترضى فيني انا انسان انطوائي ماكو بنت تحب واحد جذي

جراح مسك ايده : ليش تقول جذي عن نفسك فراس انت ريال ونعم فيك والف بنت تتمناك افا عليك

فراس : جراح بذمتك منو اللي ترضى بواحد ما يحب يتكلم البنات اللحين يحبون الواحد اللي يقول كلام غزل وحب

جراح ابتسم : صدقني اكيد في وحده راح تحبك ولا تموت عليك بس انت لا تتشائم جذي

فراس : مشكور وايد جراح

ابتسمله جراح وطق جتفه وراح مكتبه

ضحى تكلم نفسها : ابيه شنو راح اسوي بالامتحان قرب وايد ويه الله يعيني

كانت ضحى ماسكه الكتاب الاسباني وبدت ترجع بينها وبين نفسها ويت افراح

افراح : ها يا الاسبانيه جاهزه حق امتحانج ترى الاسبوع الياي ما بقى شي

ضحى : اي والله يستر

افراح : صدقيني راح تنجحين

ضحى : ان شاء الله

رن تلفون ضحى وطلعت شيخه شالته

ضحى : هلا شيخه

شيخه : ضحى انا متوهقه حدي نسيت بوكي في البيت ودوامج قريب ممكن تعطيني فلوس

ضحى تضحك : كالعاده حاضر تعالي دوامي ولا يهمج واذا وصلتي دقي علي

شيخه : اوكي

طبعا على ما خلصت الزحمه وصلت شيخه دوام ضحى

شيخه : انا وصلت انتي وينج

وبدت ضحى تشرح ليمه وصلت مكتبها واول ما دشت شافها مبارك وانصدم حيل وكل شباب نفس الشي شيخه تتمكيج عكس ضحى وكان مكياجها حلو حتى فراس انصدم من جمالها الطبيعي

شيخه : السلام عليكم

الكل : وعليكم السلام

ضحى : شيخه تعالي هني

وراحت مكتب اختها

ضحى : افراح هذي اختي شيخه شيخه هذي افراح رفيجتي

شيخه : هلا يج حبيبتي انتي افراح اختي كله تتكلم عنج بالخير

افراح تتبتسم : صج وانا بعد كله اتكلم عنها بكل خير

والبنات يسلفون ومبارك ما شلت عينه من شيخه وقال حق محمد

مبارك : شنو هل صاروخ صج قطعه

محمد عصب : استح على ويهك نزل راسك شوي عيب عليك

مبارك : شفيك انت ان الله جميل يحب الجمال

محمد : انا اقول كمل شغلك احسن ولا تاخره كعاده ونبتلش يلا

مبارك : انزين اففف اوامر اوامر

فراس ما شلت عينه من شيخه وفجأه حس احساس غريب ما يدري شنو اهو وجراح كان يركز على حركات فراس بس ما علق

فراس بقلبه : شفيني انا ليش جذي اخزها

توتر وايد وقام من مكتبه شافه جراح وخاف عليه وقام وراه

جراح : فراس فراس

فراس التفت : هلا جراح

جراح ابتسم : شرايك انروح الكافتيريا انا تعبت وانا اشتغل

فراس : يالله

خذت شيخه الفلوس واشكرت ضحى وساسرتها

شيخه : مشكوره يا المنقذه اقول ترى في وايد حلوين بدوامج

ضحى : العفو يالله روحي

راحت شيخه وطبعا مبارك زعل

مبارك : حسافه راح الجمال كله عكس اختها ما تعرف حق نفسها

محمد : لا انت على يوم راح اذبحك شفيك انت

مبارك : وانت شفيك انا استغرب منك ليش ما تضبط نفسك

محمد : انا مو نفسك اذا ابي وحده راح اتزوجها على طول

مبارك : ها عاداك جراح ويه في مقرود ثاني راح يتزوج الله يعينك

ما رد عليه

وخلص وقت الدوام

البيت

ضحى : السلام عليكم

الكل : وعليكم السلام

الابو: ضحى حبيتي مستعده حق امتحانج

ضحى : ان شاء الله راح اقدم زين

الام تضحك : والله انتي سويتي اللي تبينه

ضحى: هذي اول خطوه حق حلمي وبعدين حلمي الاكبر اروح اسبانيا

الام والابو اضحكو مع بعض

راحت ضحى دارها وبدت تراجع كل اللي درسته

اليوم التالي

الدوام

ضحى : السلام عليكم

الكل : وعليكم السلام

مرت ساعه على الدوام

افراح : ضحى ممكن تيبين الملف رقم 5 عندي شغل وايد ما اقدر اروح ايبه ممكن اذا ما عليج امر

ضحى : ان شاء الله ولا يهمج

راحت ضحى الغرفه اللي فيها الملفات وبدت ادور ولقت الملف فوق كلش دورت على فراش ما لقت احد لقت سلم ركبت وبدت تسحب الملف الملف علق وسحبته حيل واختل توازنها صرخت وطاحت على الارض

سمعوها الموظفين وبسرعه راحو ولقوها طايحه عشيانه

افراح منصدمه : ضحى ضحى يبو كلونيه يبو ماي

محمد بسرعه راح ياب كلونيه وفراس ياب ماي وبدى محمد يرش الكلونيه على ويه ضحى كان ويها اصفر

افراح ماتت من خرعه وبدت تبجي

محمد : افراح اهدي

افراح : كله مني انا قلتلها يبي الملف لو ما طلبت منها جان ما صارها هل الحادث

جراح : لا تلومين نفسج اللحين لازم نتصل بالاسعاف طيحتها جذي مو زينه

محمد : الاسعاف يطولون خل احنا انوديها المستشفى

مبارك : صح كلامك بس انا واحد ما احب اروح مستشفيات

محمد : خلاص انا اوديها

افراح : لا انا اوديها بس انت شيلها وتعال معانا

فراس : انا راح ايي معاكم جراح انت ومبارك قعدو بالقسم وانا ومحمد وافراح نروح المستشفى

جراح : خلاص اوكي

فراس ركض بسرعه وراح اييب سيارته ومحمد شال ضحى شوي شوي وافراح معاهم محمد انكسر خاطره على ضحى لانها ويها حده تعبان وصلو سياره فراس وركبو فراس خاف يسوق وما يبي يتكرر الحادث اللي صارله من سنه محمد ساق بداله وراحو المستشفى وافراح ميته من البجي وفراس يهديها

المستشفى

فراس نادى الممرضين وبسرعه خذوها حق الطوارئ وافرح وفراس ومحمد كانو بره ناطرين النتيجه

مرت ساعه

طلع الطبيب من غرفه الطوارئ

افراح : بشر دكتور شلون حاله ضحى

الدكتور : لا الحمد الله اهم شي المخ ما صارله شي بس كس في الايد اليسرى

افراح ارتاحت : الحمد الله ممكن نشوفها

الدكتور : اي ممكن

اركضت افراح وشافت ضحى وضحى يوم شافت افراح ابستمت لها

افراح: ضحى انا اسفه وايد كله مني

ضحى : انتي شعليج الله كاتب لا تلومين نفسج

افراح : الحمد الله انج بخير ترى دقيت على اهلج اللحين راح ايون

ضحى : مشكوره وايد انج وصلتيلي المستشفى

افراح : العفو موبس انا اللي يبتج محمد وفراس بعد يابوج

ضحى منصدمه : ابي فشله مالي ويه اشوفهم

افراح: بصراحه محمد شهم وايد اهو اللي شالج وحطج بالسيلره وما تطمن ليمه يه معانا ونفس شي فراس والكل كان خايف عليج

ضحى صار ويها احمر من الفشله : ابي محمد شالني والله مالي ويه اشوفه

افراح : لا تقولين جذي

طلعت من غرفه الطوارئ وايدها مجبسه وكانو محمد وفراس ناطرين بره يوم شافوهم يو بسرعه

فراس : الحمد الله على سلامتج

ضحى مستحيه : مشكور فراس

محمد حده كان خايف كان ويهه امبين : الحمد الله على سلامتج

ضحى استحت زياده : ال.....لله يسل.....مك

وصلو اهل ضحى وابوها شكر الشباب وايد والام شكرت افراح وردت البيت

البيت

الابو : حبيتي روحي نامي

ضحى : ان شاء الله

الام : شوي شوي

دشت ضحى دارها وانسدحت على السرير وكانت حدها تعبانه ونامت على طول

موضوع: رد: الحب السرابي السبت يونيو 04, 2011 3:29 pm

السراب الرابع عشر

بعد يوم من الحادث

الصبح

نزلت ضحى حدها تعبانه

ضحى : صباح الخير

الكل: صباح النور

علي: ههههههههههه شكلج جنج متهاوشه مع الربع كككككككاك

ضحى: ههههههههه سخيف

شيخه : اقول ضحى شلون ايدج اللحين

ضحى : احس شوي احسن الحمد الله

الابو: ضحى اذا تعبانه لا تحروحين الدوام

الام : اي والله مالا داعي

ضحى : لا انا ما احب اقعد بالبيت وبعدين الحمد الله انا وووايد احسن

الابو: اللي يريحج سويه

شيخه : تبيني اوديج

ضحى : لا مالا داعي اقدر اسوق بيد وحده عادي انا متعوده اسوق بيد وحده

الدوام

ضحى : السلام عليكم

الكل : وعليكم السلام

جراح : الحمد الله على السلامه وخطاج السو

ضحى : مشكور خطاك اللاش مشكور جراح

مبارك : افا افا صج ما تستاهلين اللي صارلج

ضحى : مشكور ما تقصر

اقعدت بمكتبها ويت افراح واول ما شافتها

افراح : ضحى حبيبتي ليش مداومه وشلونج اللحين

ضحى : الحمد الله انا بخير وانا ما اقدر اغيب وما اشوفج

افراح : حبيبتي والله بهل مناسبه الريوق علي اليوم وماكو اعتراض

ضحى : اوكي

افراح ارفعت صوتها : اليوم الريوق علي بمناسبه سلامه ضحى

مبارك : يعني اطلب اللي ابيه

افراح : اليوم يوم مميز اطلب اللي تبيه

مبارك : هيهههههههههههههههه

محمد راح عند مكتب ضحى وضحى اول ما شافته استحت

محمد : ضحى الحمد الله على سلامتج

ضحى مستحيه : الله يسلمك ومشكور وايد على سويته امس ما قصرت معاي

محمد نزل راسه وابتسم : لا هذا واجب ومن غير ما تشكريني

وراح محمد المكتب وطبعا مبارك لاحظ اللي صار

مبارك : اه اه يا روميو

محمد : شنو؟

مبارك : اقول محمد ليش يدافع وايد عن ضحى صج الحب اعمى

محمد عصب : انت وبعدين معاك

مبارك : احلف انك ما تحبها وخاصه عقب ما شلتها احس انها قمه في اغراء اول ما شلتها

محمد مو عصب الا فور : شوف عاد احترم نفسك وانا ما افكر نفسك صج انت انسان غريب

وقام محمد من مكتبه وراح حق جراح ومبارك يقول في نفسه

مبارك : لايا محمد انت ربحت الجوله الاولى بس انا راح اربح الجوله الثانيه وضحى ما راح تكون لك اهي لي انا

محمد عند جراح: هذا مبارك ما يستحي على ويهه

جراح يبتسم : انت ما تعرف مبارك اهو جذي مالك شغل فيه

فراس يكلم نفسه : مسكينه ضحى اه ليش افكر فيها جذي فراس بس بس

وقطع افكاره صوت جراح

جراح :شفيك ؟؟؟؟

فراس : لا ولا شي

محمد : شرايكم انروح الكافتيريا نشرب شي

فراس :يلا

في الوقت نفسه

افراح : اقول ضحى شلون استعدادج حق الامتحان

ضحى : الحمد الله ان شاء الله اقدم فيه زين

مبارك يكلم نفسه واهو يطالع ضحى : شنو اسوي علشان اكلمها واطيع راسها احس نوعيتها مو بسرعه تتكلم مع شباب شنو اسوي اول مره تمر علي هل نوعيه اها مالي الا صاحبي خل ادق عليه

مبارك دق على رفيجه وقاله كل الموضوع

صاحب مبارك : انزين لازم اشوفها واختبرها

مبارك : على راحتك متى تقدر تيي

صاحب مبارك : انا هل شهر ما اقدر خلها الشهر الياي

مبارك : اوكي

صكر التلفون وقال بنفسه : والله قربتي اطيحين يا ضحى ماكو بنت ترفضني

خلص وقت الدوام

البيت

اول ما دشت ضحى البيت كانت تنطرها دلال استانست ضحى

ضحى : دلول

دلال : حبيبتي ضحى تعالي قوليلي اشصارلج

ضحى : اوكي تعالي داري

دار ضحى

قالت ضحى حق دلال السالفه

دلال: بعد اشتبين شالج واحد هههههههه

ضحى صار ويها احمر : سكتي انا ووووووايد مستحيه منه

دلال بابتسامه خثيبثه : قوليلي اهو حلو ولا لأ

ضحى : ليش هل سؤال ؟؟؟

دلال : على الاقل يكون حلو واحد شايلج يمكن يصير زوج المستقبل مثل المسلسلات اه اه

ضحى اطالعها بنظره : صج صج والله فراغه

دلال تحن : قولي حلو ولا لأ يالله

ضحى :بصراحه اي

دلال : وناسسسسسسسسسسسسسسسه

ضحى اضحكت على ردت فعل دلال

موضوع: رد: الحب السرابي السبت يونيو 04, 2011 3:30 pm

السراب الخامس عشر

مر اسبوع ويه وقت الامتحان

الدوام

ضحى : ووووووواي افراح حدي خايفه

افراح : لا انتي قدها وقدود

واهم يتناقشون دش واحد معاه بوكيه ورد

ضحى :الله والله حلو البوكيه

افراح : اي والله تتوقعين من له

اشر جراح على مكتب ضحى ويه الريال

الريال : اخت ضحى

ضحى : اي

الريال : هذي لج ممكن توقعين

ضحى : ان شاء الله

راح الريال والكل مستغرب

افراح : يا عيني من منو

ضحى : ما ادري في كرت ولا لأ

افراح ادور ولقت الكرت

افراح : تفضلي

فتكت الكرت وكان مكتوب ( سلامات يا احلى ورده)

ضحى : مافيها اسم

افراح : غريبه

محمد وفراس طالعو بعض باستغراب اما مبارك كان مستانس ويطالع محمد ويقول في نفسه

مبارك : شفت يا محمد انا اللي ربحت البنات ينقص عليهم بسرعه

ضحى دقت على الفراش

ضحى اخذ الورد هذا وحطه في المطبخ هذا لكم

الفراش : نا شاء الله

افراح : ليش سويتي جذي

ضحى بعصبيه : انا ما احب هل حركات صج حركه سخيفه

محمد استانس وايد على حركتها ونفس شي فراس الا مبارك عصب

مبارك في نفسه : والله منتي هينه اي استانس يا محمد بس مل راح استسلم بطيح راسها يعني بطيحه

افراح : تبين صج كبرتي في عيني

ضحى : انا ما احب هل حركات عيب والله

خلص وقت الدوام وصار وقت الدوره

ضحى : السلام عيلكم

منيره منصدمه : ضحى شفيج

ضحى : طحت من دوامي عادي

منيره : ما تشوفين شر

ضحى : الشر ما يج

دش نواف وانصدم من ايد ضحى وتعابير ويهه كانت مبينه

لمياء : ضحى ها سلامات

ضحى : الله يسلمج

صار وقت الامتحان وكل يحل ونواف ما شالت عينه من ضحى

عقب الامتحان

المحاضر : باجر الحفله لا تنسون

الكل: اوكي

خلصو من الامتحان وكان نواف ورا ضحى يراقبها اهي ما حست بس لمياء حست دش سيارته وعقب ما راح

لمياء : بعد شتبين في حرس كان وراج

ضحى مستغربه : نشو منو

لمياء : بعد منو نواف

ضحى : ما شفته

لمياء اي ما ادري وين كنتي

وراحت سيارتها وردت ضحى البيت واستغربت وكانت تقول صج نواف كان وراها ؟؟؟؟

موضوع: رد: الحب السرابي السبت يونيو 04, 2011 3:32 pm

السراب السادس عشر

يوم الحفله

الصبح وقت الدوام

الكل لاهي بشغله وكانت ضحى توها خالصه شغلها بدت تشوف مسلسها

افراح : انا بروح عند رئيس القسم اوكي

ضحى : اوكي

بعد ما راحت افراح مبارك انتهز الفرصه علشان يكلم ضحى

راح مكتبها وقال: اقول ضحى انتي ليش انتقلتي ما قلتيلي ليش

ضحى بتوتر : ليش تبي تعرف ؟

مبارك : فضول لا اكثر لان بصراحه انتي بنيه زينه ومو معقوله انتي تسوين شي غلط

ضحى: بس المكان كان بعيد بنسبه لي

مبارك : اممم عيل شلون قعدتي جريب السنه

ضحى توهقت وقبل لا تكمل دش محمد وشاف مبارك عند مكتب ضحى كان يطالعم بنظره

مبارك : اهلا تو الناس جان ما ييت

محمد ما رد وقعد بمكتبه

مبارك : ها محمد ليش متأخر

محمد : مالك شغل عندي شغل وخلصته

مبارك : ممكن اعرف شنو اهو

محمد : مبارك شفيك قلتلك مالك شغل

مبارك يضحك : شفيك عصبت جذي

مبارك ساسر محمد : كل هذا علشان كلمت الحبيبه

محمد عصب حيل : انت ما تستحي على ويهك

وقام بعدين فكر لا لازم ما اطلع علشان ما يقعد مع ضحى بروحهم وراح قعد بمكتب جراح

استغربت ضحى من محمد ليش جذي عصب

وصار وقت الحفله

ضحى شالت جيس فيه صحون على ايدها اليمين وفجأه سمعت احد يناديها قاعده تلف يمين ويسار ولا نواف يركض قالت في نفسها ( لا مو نواف مستحيل ) وكملت وقرب وايد ونادها كان اهو

نواف : ضحى شلونج

ضحى مستغربه : انا زينه

نواف : ضحى عطيني الجيس

ضحى : لا الجيس خفيف مشكور ما بي اكلف عليج

نواف طالعها بنظره عصبيه : ضحى عطيني الجيس

ضحى منصدمه : تفضل

زمشى معاها ليمه الكلاس ودخلو مع بعض ولمياء كانت اطالعهم منصدمه ويوم وخرعنها شوي يت لمياء بسرعه

لمياء : شل سالفه ليش كان يمشي وياج

وقالت ضحى اللي صار

لمياء : انا قتلج ان معجب فيج

ضحى : لا ما اظن اهو سعادني مثل اخوي

لمياء : مثل اخوي متأكده

ضحى : اي شفيج

لمياء : انا شاكه انها اخوه انا قلتلج معجب فيج

ضحى : انتي مينونه

المحاضر اللحين في طلاب اسبانين ياين تعالو

دشو الطلاب وطبعا كل واحد احلى من الثاني وكان في واحد يطالع منيره بنظره اعجاب ضحى لاحظت وساسرت منيره

ضحى : بعد شتبين احلى واحد فيهم قاعد يطالعج

منيره بارتباك : شنو منو ؟؟؟؟

ضحى اشرت بعيونها عليه

طالع منيره وابتسم

ضحى : شعليج

منيره استحت : ضحى بس عاد

ضحى : والله العظيم ان معجب فيج انا مراقبته ما شال عينه منج

منيره استحت حيل ويه حق ضحى وطبعا منيره راحت وانحاشت

ريكاردو : اكبر من ضحى ومنيره طيب وايد واهو من ارقى العوائل في اسبانيا وبمعنى اصح غني ووووايد

ريكاردو طبعا يتكلم انجليزي : انتي صديقه هذي البنت

ضحى : اي

ريكاردو : شسمها

ضحى : منيره

ريكاردو استانس يوم عرف اسمها

ضحى : ليش تسأل ؟؟؟

ريكاردو : بصراحه انا وايد معجب فيها وحبيتها

ضحى ابتسمت : صج والله

ريكاردو : اي ابي اعرف عنها كل شي

ضحى قالت كل شي عن منيره واستانس انها ما تكلن شباب

ريكاردو : شكرا ضحى انج قلتيلي عنها

ضحى : العفو بس انا قتلك لانك صج مبين عليك انك انسانمحترم وتبيها بس

ريكاردو : بس

ضحى : بس اهي مسلمه وانت ....

ما كملت ضحى ورد عليها : انا مسلم مو مسيحي تطمني

ضحى : الحمد الله

وخلصت الحفله وردت ضحى البيت وكانت مستانسه حدها لان في واحد يبي منيره واهي تستاهل كل خير

موضوع: رد: الحب السرابي السبت يونيو 04, 2011 3:34 pm

السراب السابع عشر

مر شهر

وقت الدوام

رن تلفون مبارك

مبارك : هلا والله فيك شلونك انت وينك
رفيج مبارك : انا بره انت وينك

مبارك : كاني اللحين ايك

وراح مبارك وياب رفيجه

دش مبارك ورفيجه

رفيج مبارك : السلام عليكم

الكل : وعليكم السلام

ياب مبارك كرسي حق رفيجه

رفيج مبارك : وينها ؟

مبارك : اهي عند رئيس القسم

رفيج مبارك : اللحين بشوف البنت اللي ما قدرت تكسر راسها

مبارك : اي والله اهي الوحيده اللي ما عطتني ويه اه صج هل بنت مو سهله

رفيج مبارك : عاد انت ماكو بنت ما طيحت راسها لا لاتخلني اغير فكرتي عنك

مبارك : اقول حتى انت شولن البنيه اللي ما قدرت انت اطيع راسها

رفيج مبارك يتنهت : ما ادري عنها هل بنت يننتني مو بس احبها اموت عليها بس راحت مني بس والله ان لقيتها ما راح اهدها

مبارك : عاد انت عندك مره حلوه وتهبل

رفيج مبارك : الا اهي عبيطه قصيت عليها وكانو اهلها مو راضين بس كسرت خشمهم وخذيت بنتهم عكس هذيك الا تعال وينها تاخرت

مر 5 دقايق

دشت ضحى القسم وطاحت اوراقها بالارض وانصدمت من اللي شافته

ضحى ويهه مخترع: لا لالا مستحيل اللي اشوفه انا بكابوس

افراح : ضحى شيفيج ؟؟؟؟؟

ضحى : لالالالالالالا

وركضت ضحى وطلعت من القسم والكل منصدم ورفيج مبارك قام من مكانه

دشت ضحى الحمام ( مكرمين) وماتت من البجي ودشت عقبها افراح

افراح : شفيج ضحى حبيبتي عسى ماشر

لفت ضحى وعيونها حمر : لا لا ما اصدق اللي اشوفه

افراح خافت : شفيج انتي تعرفين رفيج مبارك

ضحى والدموع بعينها : هذا اللي خرب حياتي وخلاني اطلع من دوامي

افراح : منو هذا

ضحى : اسمه احمد

في نفس الوقت

مبارك منصدم : تعرف منو اهي ؟

احمد : هذي البنت اللي احبها

مبارك : شنو

احمد: ماراح اقعد انا رايح

وطلع من الدوام وقال بقلبه : هل مره ماني مخليج يا ضحى

محمد راح مكتب جراح وقاله : شفيها ضحى يوم شافته انصدمت جذي في بينهم شي

جراح : لا تقول عن ضحى جذي ترى اهي بنت محترمه وطيبه

محمد : انا ما قلت شي بس منصدم

فراس بقلبه : شفيها منصدمه جذي وليش خافت جذي هذا مبارك ماوراه الا مصايب اففف عليه

في الحمام

قالت ضحى كل القصه اللي صار معاها

افراح : صج ما يستحي على ويهه عاد ما راح انخليه انا وشباب ما راح يقصرون

ضحى : والله مستحيه مالي ويهه اشوفهم

افراح : لاوالله رفعي راسج انتي ما سويتي شي

ودشت ضحى وافراح القسم

الكل كان يطالع ضحى ومبارك حده مصدوم

وخلص وقت الدوام

البيت

دشت ضحى دارها وماسلمت على اهلها مثل كل مره ودشت الام دار ضحى

الام : ضحى حبيبتي شفيج

ضحى : ما فيني شي يمه

الام : ليش انتي ما تثقين فيني انا امج حبيبتي

ضحى انزلت دموعها وطاحت بحضن امها

ضحى : يما انا تعبانه

الام خافت : قوليلي شفيج يا بنتي

وقالت ضحى كل اللي صارلها

الام لمت بنتها : حبيبتي كل هذا خاشته في قلبج يا حبيبتي

ضحى : يمه امانه لا تقولين حق ابوي

الام : ليش حبيتي

ضحى : يمه ما نبي مشاكل الله يخليج يمه

الام هزت راسها وطلعت من دار ضحى وافكار وايد قاعده تيي وتروح

مر اسبوع

افراح : ضحى متى يشلون الجبس من ايدج

ضحى ان شاء الله بعد شهر

افراح : ان شاء الله شلونج اللحين

ضحى : الحمد الله

رن تلفون فراس مال مكتبه وشاله وعقب ما خلص راح حق ضحى

فراس: رئيس القسم طالبنه

وراح فراس قبلها

افراح : عسى ماشر ؟

ضحى :والله ما ادري اللحين بشوف

وراحت ضحى وعقب ما خلصو

افراح : خير حبيبتي

ضحى : لا في شغل اضافي راح اقعد لي 3ونص ومحمد وفراس معاي

افراح : تبيني اقعد معاج

ضحى : لا حبيبتي لنتي روحي حق عيالج حرام

افراح : اكيد

ضحى تبتسم : اكيد حبيبتي

وخلص وقت الدوام الرسمي

بعد مرور ساعه ونص

ضحى كانت لاهيه بشغلها

محمد: ضحى ردي البيت انا وفراس نكمل شغلج

ضحى : لا عادي اللحين شوي واخلصه

محمد : لا انتي بنت وردي البيت واحنا نكمل الشغل

فراس : صح كلام محمد روحي البيت

ضحى : مشكورن وايد

وراحت ضحى سيارتها وقبل لا دش واحد مسك ايدها

في نفس الوقت

فراس : انا نسيت تلفوني ثاني بالسياره بروح ايبه

محمد ك انطر انا بيي معاك مليت وانا اشتغل برتاح شوي

فراس : يلا

في سياره ضحى

ضحى : منو انت هدني هذا انت شتبي

احمد : انا ما راح اخليج فاهمه

ضحى بعصبيه : هد ايدي ولا اصارخ

احمد عصب حيل ك ما راح اهدج يالله تعالي معاي

ضحى تصارخ :ساعدونيييييييييييييييييييييييييييييييييييييييي ااااااااااااااااااااااااااااااااااااااااااااااه

احمد بصوت عالي : لا تصارخين

ضحى لمحت فراس ومحمد : فرررررررررررررررررررررررررررررررراااااااااااسسسسسس سسسسس محححححححححححححححمممممممممممد ساعدوني

محمد لمح ضحى : فراس هذي ضحى تصارخ

فراس : منوهذا ؟؟؟

محمد : خل نروح بسرعه

وركضو حق ضحى واول ما وصلو محمد ير ايد ضحى فراس طقه بوكس على ويهه احمد

ضحى تصارخ وتبجي

محمد : ضحى دشي السياره وقفلي على روحج الباب

ضحى : ان شاء الله

وبسرعه دشت ضحى السياره وكان فراس وراها واقفلت الباب عليها ووقف جدام سيارتها
ومحمد طق احمد طق اليهد ورفعه وقال

محمد: ان تعرضت لها راح اموتك سامع وتفل بويهه

احمد ركض بسرعه وراح سيارته

محمد عند سياره ضحى دق الدريشه وضحى نزلت الجامه

محمد : ان تعرض لج مره ثانيه قوليلنا

ضحى والدموع بعينها : مشكورين وايد

محمد : فراس احنا خل ماشيها ليه بيتها علشان ما يتعرض لها هل الكلب

فراس ويسمح ويهه عقب الطق : اييه صح كلامك

ضحى :والشغل

محمد يسمح ويهه: لا تخافين انا وفراس نكمله باجر

فراس: ضحى انا اسف اسألج هل سؤال شنو ينج وبينه

ضحى : راح اقولكم كل شي

وقالت ضحى كل القصه

محمد : صج واطي شفو اللي صار اليوم محد يعرف عنه بس احنا ثلاثه اوكي

فراس : اعتمد علي

ضحى : ان شاء الله

محمد : فراس انت تكون وراها وانا جدامها

فراس : اوكي

وركبو سياراتهم ووصلو ضحى البيت ودشت ضحى دارها وكانت حدها تعبانه من اللي صار لها

موضوع: رد: الحب السرابي السبت يونيو 04, 2011 3:36 pm

السراب الثامن عشر

مر اسبوع على الحادث وكان وضع هادي مبارك عرف عن اللي صار وبدا يتحذر من تصرفاته مع ضحى وصار ما يقرب منها مايبي يصير مصيره مثل احمد واحمد انقطعت اخباره عقب الحادث

الدوام

افراح : اقول ضحى اشصار على دورتج مالت الاسباني بتكملين ؟

ضحى : اي ان شاء الله راح اكمل

افراح : احسلج والله بدال القعده ما عندج شي ولا مسؤليه

ضحى : اي والله اهو ماخذ كل وقتي

ومر الدوام عادي

البيت

الام قاعده تتكلم بتلفون

الام : اي حياكم الله هذي الساعه المباركه مع السلامه

ضحى : خير يما في شي

الام : اي خير حبيبتي اختج انخطبت والاسبوع الياي راح اييون

ضحى :صج والله يالله اللله يتمم على خير

الام : ان شاء الله

ضحى : الا وين شافوها ؟

الام : اخر عرس رحناله شافوها هناك والام كانت موجوده

ضحى : امممممم

الام : شفتي لو سامعه كلامي جان انخطبتي بعد

ضحى : يووووووووه يما لاتبتدين الله يخليج

وانحاشت ضحى على طول وراحت دارها وفي هل لحظه رن تلفون ضحى وكانت لمياء

ضحى : الو هلا لمياء

لمياء : انتي وينج من زمان عنج شرايج نتيمع بيتكم

ضحى : والله فكره انا ما عندي مانع وبقول حق منيره بعد

وعقبها دقت على منيره وتواعدو على اليوم وبدت تجهز ضحى دارها حق بنات واول وحده وصلت لمياء

ليماء : ووووووواي بيتكم وايد حلو

ضحى : مشكوره حبيبتي تفضلي داري

لمياء دشت دار ضحى وانبهرت بدارها

لمياء : الا اقول ضحى شلون نواف

ضحى : نواف ؟؟؟ ما ادري عنه

لمياء : عيل بعطيج مفاجاه وقبله بنفس الوقت

ضحى : شنو

لمياء : جم تتوقعين عمره ؟

ضحى : ما ادري يمكن 17 او 18 شكله جذي

لمياء انفجرت من الضحك : لا حبيبتي عمره 24 سنه

ضحى : ششششششششششششششششششششششننننننننننننووووووووووو ابي

نواف : عمره 24 سنه يشتغل في احدى ارقى الاماكن في الكويت بمعنى اصح ولد عز

لمياء : اي حبيبتي طحتي طيحه عدله من قدج

ضحى : لحظه لحظه انتي شدراج عنه ؟؟؟؟؟؟؟

لمياء : حبيبتي سويت بحث عنه وطلعت معلومات عنه

ضحى : واي انتي تخرعين

لمياء : هاهاهاهاهاهاها

ووصلت منيره وبدت لمياء تشوف البوم الصور مال ضحى وحطت عينها على ولد خالتها

لمياء : ضحى ابي عندج ولد خالتج حلو جذي وما حبيتيه ؟

ضحى : ليش احسبه مثل اخوي ؟

لمياء: جم عمره وين يشتغل

ضحى : ليش تبين تخطبينه ؟ ترى اهو يحب وحده وراح يتزوجها

لمياء : عادي انا اقدر افرقهم عن بعض واخذه

انصدمت ضحى ومنيره من كلامها

لمياء : انتو شفيكم ترى اتغشمر هاهاهاهاهاها

ضحى بدت تحس ان لمياء مو سهله كلش عكس منيره حبوبه وطيبه واشوه ما تكلمت عن ريكاردو جدام لمياء وراحت لمياء وبقت منيره وضحى

ضحى : بصراحه انا انصدمت من لمياء شلون تقول جذي؟

منيره : انا بعد الله يستر منها

ضحى : اي والله في شي راح اقوله لج بس ما بغيت اتكلم جدام لمياء

منيره : شنو ؟

ضحى تبتسم : ريكاردو يحبج ومو بس يحبج الا يموت عليج

منيره: لا مو صج انتي تتغشمرين

ضحى : والله مو قاعده اتغشمر اهو سأل عنج ويبي يعرف كل شي عنج

منيره اسكتت

ضحى : ان شاء الله اشوف عقبها زواج هاهاها

منيره مصدومه ومستحيه بنفس الوقت

ومرت الايام ويو الناس اللي بيخطبون شيخه وصارت موافقه والعرس الشهر الياي

الدوام

ضحى : افراح تفضلي بطاقه عرس اختي

افراح : صج مبروك الله يتمم عليها

فراس شاف البطاقه وانصدم صدمه حياته وراح سأل افراح

فراس : بطاقه عرس منو

افراح مستانسه : عرس اخت ضحى شيخه الله يتمم عليها

فراس ونبره الحزن بصوته : اي الله يتمم عليهم

افراح استغربت من رده فعل فراس بس ما كانت تدري ان فراس كان يبي شيخه

طلع فراس من الدوام وراح البحر ودمعه على خده وقال في نفسه : ظاعت مني الى الابد

موضوع: رد: الحب السرابي السبت يونيو 04, 2011 3:38 pm

السراب التاسع عشر

بعد مرور شهر

يوم العرس

شيخه كانت جميله وناعمه حيل وكانت حدها متوتره وضحى كانت تقرا عليها من العين والحسد

شيخه : ضحى انا وايد خايفه ومتوتره

ضحى : عادي حبيبتي هذا شي طبيعي انتي هدي وماكو الا العافيه يالله انا نازله حق المعازيم

شيخه متوتره : اوكي

في نفس الوقت

افراح : يلا خالتي انا ماشيه

خاله افراح : درب السلامه حبيبتي

كان مار فراس وسمع الكلام

فراس : افراح انا اوديج واخذج من الحفله لان اللحين زحمه ومو حلوه تردين بليل متاخر

افراح : اي والله صاج يالله انا جاهزه

في السياره

افراح : عسى الله يهنيهم ان شاء الله والفال لك يارب

فراس بقلبه : ما اظن

افراح : يالله يارب اشوف ضحى بعد تتوفق بولد الحلال الزين عاد اهيي خوش بنت اقول فراس انت شرايك فيها

فراس : اي خوش بنت

افراح بقلبها : يارب تكون من نصيبك

ووصلت افراح الفندق وادخلت وفراس ما ماشى كان ينطر المعرس اللي خذا منه شيخه ودموعه على خده

في العرس

كانت ضحى لابسه نفوف اخضر قصير فيه كسرات وكانت حاطه مكياج ناعم برز جمالها

افراح : ابي مو صج انتي ضحى صايره شحلاتج

ضحى استحت : مشكوره حبيبتي

وبدو البنات يرقصون واهم مستانسين وصاروقت دخول العروس ودموع الام انزلت من الفرحه والحريم ايببون وعقبها ارقصت ضحى حق اختها وخذوا الصور مع العروس وبعد مرور ساعه صار وقت دخول المعرس

في نفس الوقت

فراس كان يطالع المعرس بعصبيه لان حس ان مومناسب حق شيخه ودشو المعاريس وفراس مات من البجي والحسره لان شيخه خلاص راحت منه وراح البحر على طول

في الفندق

بدو الحريم يلبسون العبي والملافع علشان المعرس راح يدش ودش المعرس وقعد مع العروس وبعد مرور نص ساعه راحو المعاريس وافراح دقت على فراس ياخذها ويوم خذاها كانت تتكلم عن العرس وكان مسوي نفسه مو مهتم بس اهو من داخله نار مو قادر يطفيها

بعد مرور 6 اشهر

الدوام

افراح : اليوم يومج يا ضحى يت دورتج عاد ديري بالج لا تقلبين اسباني هاهاهاهاهاها

ضحى : ان شاء الله بس الله يستر ما يكون صعب

افراح: انتي قدها ان شاء الله

وقت الدوره

ضحى اضعفت وايد عقب عرس اختها وبدت تهتم بنفسها شوي

ضحى : منيره اشتقلج ووووووايد

منيره : وانا بعد حبيبتي

قبل لا يدشون الكلاس كان نواف واقف ويوم شاف ضحى ابتسملها وكانت ابتسامته وووايد حلوه واييد احلى من اهو مكشر

نواف : ضحى شلونج

ضحى مستغربه: الحمد الله

دش اهو قبلهم

لمياء : اي حبيبتي من قدج سلم عليج وبعد ضعفانه شنو قصتج

ضحى : بسم الله خرعتيني

لمياء : شنو انا يني

ضحى : لا موعن بس يتي فجأه بعدين متى ييتي

لمياء : انا كنت وراج بس انتي ما حسيتي اي الله يهنيج بنواف

ضحى : الحمد الله والشكر انتي مو صاحيه

دشو الكلاس وكان المحاضر نفسه الي درسهم اول مره

وبدت المحاضره وكان نواف يطالع ضحى وما طاخت عينه منها وعقب المحاضره كان ريكاردو ينطر منيره وسلم

ريكاردو : شلزنكم بنات وشلونج منيره

منيره بارتباك : الحمد الله

وقبل لا دش سيارتها كان نواف واقف بعيد ويطالع ضحى وعقبها راح

لمياء ورا ضحى : اي يطمن قبل لا تروحين

صرخت ضحى وخافقت : يما انتي شنو

لمياء : هاهاهاهاهاها لا تخافين

وراحت لمياء عنها زردت ضخى البيت وكل ماتذكرت ابتسامه نواف قلبها خفق حيل وما كانت عارفه شنو صار لها

موضوع: رد: الحب السرابي السبت يونيو 04, 2011 3:40 pm

السراب العشرون

بعدها بيوم

الدوام

دشت ضحى الدوام وشافت محمد متغير ضعف وايد وصار عريض بمعنى اصح صار انسان ثاني

افراح : شلزنج ضحى وشلون الدوره

ضحى : الحمد الله زينه وبعد طلع نفس المحاضر الحمد الله

افراح : الحمد الله ما دريتي اخر الاخبار

ضحى : شنو اصاير ؟؟؟؟

افراح : مبارك راح ينتقل وبروح مكان ثاني بمعنى اصح نقل تأديبي

ضحى : ليش اشسوه؟

افراح : تحرش بوحده من الموظفات وعاد اهي ما سكتت واهو عليه شكاوي من قبل وراح ينقلوه بعيد عن ادارتنا

ما ردت ضحى بس هزت راسها وبفس الوقت ارتاحت لان راح ينتقل وجذي احمد ما له حجه ايي وبنفس الوقت كانت ما تحبه

محمد يكلم جراح : احسن ان انتقل ما يشتغل ويسبب مشاكل بس ان شاء الله موظف اللي بيي عقبه يكون زين

جراح : اي ان شاء الله يكون احسن منه كنت كله انصحه بس اهو ما يسمع الحجي

محمد : يامعود هذا وينه وين النصيحه ايقث افففف

جراح :ويييه انت منقث منه حيل

محمد : اي بس متى راح يروح

جراح : بعد 3 اشهر

محمد : يالله نتحمل

خلص وقت الدوام

البيت

ضحى دشت دارها وقاعده تجهز اغراضها حق الدوره باجر تذكرت ابتسامه نواف ويوم ساعدها واهي منكسره ايدها وقلبها ما وقف ودقت على رفيجتها دلال

ضحى : الو دلول ابيج بموضوع مهم حيييييل

دلال : خير حبيبتي شفيج خرعتيني ؟؟؟؟

ضحى : شعندج اليوم

دلال : ما عندي شي

ضحى : خلاص اليوم نتواعد 360 اوكي

دلال : اوكي

بمجمع 360

في احدى الكوفيهات

ضحى : دلول بقولج على شي بس ما ادري شقولج

دلال : شنو خرعتيني

ضحى : تذكرين نواف اللي معاي بالدوره

دلال : اي اللي ما يضحك

ضحى : اي

دلال: شفيه

ضحى : تغير وايد كل كا يطالعني يبتسم وابتسامته ذوبتني وقلبي كله يعورني شنو هل شعور ما ادري

دلال : ضحى انت تحبينه مبين واضح وضوح الشمس وحتى اهو مبين ليش يبتسملج

ضحى : لا ما اظن لا مستحيل

دلال : والله اهو محظوظ لانج تحبينه واخير اه لازم اخليج تتزوجينه

ضحى استحت : دلووووول

دلال : لا عيل لازم اغيرج 180 درجه ابيج تخلينه يستخف عليج

ضحى : شلون ؟؟؟ظ

دلال: عاد هذي خلطه دلوله ما راح اقول بس اول شي اسويلج شوبيج

موضوع: رد: الحب السرابي السبت يونيو 04, 2011 3:52 pm

يالله أبغى ردودكم علشان أكمل

» الحب ........